Казанское Высшее Мусульманское Медресе имени 1000-летия принятия Ислама
Шәкертләр 10 кыраатка ия булган Әхмәд Шәхмәмәдов белән очрашты
Кувейт әмире Нәваф әл-Әхмәд әл-Җәбир әс-Сабах патронажы астында үткән Халыкара Коръәнне тулысынча яттан тәҗвид белән уку бәйгесендә Россияне, якташыбыз, Басыйр хәзрәт Бикбаев һәм Халидә абыстайның оныгы Әхмәд Шәхмәмәдов тәкъдим итте. Әхмәд шулай ук танылган татар вәгазьчесе, Ислам мөгаллимәсе, Ислам турында китаплар авторы Рәшидә абыстай Исхакыйның оныкчыгы да.
Бүгенге көндә Мәккәдә белем алучы әти-әниләре Габделкәрим һәм Резеда белән яшәүче 16 яшьлек Әхмәд Шәхмәмәдов халыкара бәйгедә 70 илдән килгән 120 катнашучы арасында Рәсәй Федерациясе исеменнән катнашып дәрәҗәле өченче урын яулаган.
Әхмәд сөйләргә өйрәнүгә үк Коръән укый башлаган. Башта ул әнисе һәм әтисе белән Изге китап Коръәнне укыган, ә 8 яшьтән Коръән ятлау түгәрәгенә йөреп 10 яшенә ятлап чыккан.
Мәккә һәм Мәдинә Хәрам мәчетләренең имамы Шәех Хәсән Габделхәмид Бухарида укып Коръәннең 10 укылышын тулысынча ятлап бетергән һәм димәк ул 10 кыраатка ия (Әйтелештәге аермаларга, грамматикага һәм авазларның үзенчәлекләренә нигезләнгән Коръән уку вариантлары)