Милли сәнгать белән таныштылар
14 нче апрель көнне Ислам динен кабул итүгә 1000 ел исемендәге Казан югары мөселман мәдрәсәсе шәкертләре һәм мөгаллимнәре "Хәзинә" милли сәнгать галереясендә булды. Бирегә килүчеләр XX йөз башы шәһәр татарларының фотолары белән танышты. Аларда шәкертләр, укытучылар һәм төрле шәхесләр сурәтләнгән иде. Фотолар төрле өлкәләрдә яшәүче кешеләрдән җыелган, аерым алганда, Владивостоктан Варшавага кадәр.
